Eskutitz horretan, alkateak zera ziurtatzen du: Urdulizen aspaldiko tradizio industriala dela-eta, "herrian badira pertsonak, haien prestakuntza zein lan-esperientzia bitarte, egungo enpresen eskariak betetzeko perfil profesional egokia dutenak eta hortaz lanbide-ezaugarri baliagarriak dituztenak". Javier Bilbaoren aburuz, "horri gehitu behar zaio, gainera, udalerriko enpresekin oso lotuta dauden pertsonak direla, eta hori abantaila da".
Lana sortzeko ekinean
Urdulizko Udalak gogoratu duenez, egitasmo desberdinak bultzatu ditu azken urteotan lana sortze aldera. Zentzu horretan, aipagarritzat jo dute 2009an abian ipini zuten Prestakuntza eta Lanerako Programa. Jada hiru edizio osatu dira eta 24 pertsonek prestakuntza teorikoa eta praktikoa jaso dute, haien enplegua izateko aukerak hobetuz eta Udalerako hainbat hilabetez lan egiteko aukera izanda.
Halaber, nabarmendu dute Behargintza zentroak ematen duen zerbitzua, Enplegu eta Sustapen Ekonomikoaren Sailak bultzatuta, Urdulizentzat zein Uribe Kostako bailara osoarentzat egiten duena lan.
Javier Bilbao Urdulizko alkateak kontratatzeko prozesuak abiatzerako orduan herriko langabetuak kontuan hartzeko eskatu die Urdulizko enpresei. Izan ere, Urdulizko Udalak gaur jakinarazi du herrian 233 langabe daudela, Urdulizko biztanleria osoaren %6,2 alegia, kontuan izanik egun 3.705 biztanle dituela herriak. Tokiko administrazioaren aburuz, "krisialdi egoera bortitza da, eta orokorra. Horrela izanik, Urduliz ez dago errealitate horretatik kanpo, ezta gutxiago ere". Balorazioetatik harago, Javier Bilbao alkatea, une honetan lanik ez duten urduliztarren alde egiteko eskatu die herrian dauden enpresei. Izan ere, gutun bana helarazi dio enpresa bakoitzari "kontratazio prozesuetan langabezian dauden gure herritarrak kontuan hartzeko” eskatuz. Argazkian, herri lanak Urdulizen / © Urdulizko Udala.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun