Bihar, ostegunarekin, EHUko Leioa eta Erandioko campuseko Zuzenbide Fakultateko Atalak diplomak banatzeko ekitaldia ospatuko du. Zeremonia arratsaldeko 6etan gauzatuko dute Bilboko Ekonomia eta Enpresa Zientzien Fakultateko Areto Nagusian, Sarrikon. Bertan, 2010-2011 ikasturtean ikasketak bukatu dituzten 10. promozioaren ikasleei emango dizkiete diplomak. Guztira, 83 ikaslek jasoko dituzte agiri ofizialak. Era berean, ekitaldian zehar Adela Asua Batarrita Espainiako Auzitegi Konstituzionaleko magistratua omenduko dute. Batarrita 1988tik EHUko irakaslea da eta 1993tik Zuzenbide Penalean katedraduna. Ikertzaile juridikoa eta zuzenbide penalean aditua, Frantzia, AEB, Argentina eta beste estatuetako unibertsitate ezberdinetan irakasle bisitaria izan da. 2011ko urtarrilean hasi zen Konstituzionalean lanean. Ekitaldian, besteak beste, Carmelo Garitaonandia Bizkaiko Campuseko errektoreordea, Igor Minteguia Irakaskuntza, Berrikuntza eta Ikasleen dekanordea eta Jose Manuel Martiin Osante Zuzenbide Fakultateko Bizkaiko Ataleko dekanorde-koordinatzailea izango dira. Argazkian, Adela Asua Batarrita magistratua / © EHU.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun