Clarissen ostean, Ze Esatek! taldearen txanda izango da. 2008an sortu zuten taldea Trikizio, The Txortains, Skunk eta Harlax bandetatik etorritako 12 musikarik, ska, rock eta reggae nahasten dituzten doinu alai eta biziak jotzeko asmoz. 2009. urtean lehendabiziko saioa egin zuten Iruñean, Korrika zela eta, eta ordutik hona Euskal Herri osoan jardun dira. Egun arte bi disko kaleratu ditu taldeak: "Ze Esatek!" (2010) eta "Rock & Ron" (2011). Era berean, Kilometroak Gipuzkoako ikastolen jaiaren, Txori Barrote Bilboko konpartsaren eta Ikasle Egunaren kantak ere egin dituzte, besteak beste.
Azkeneko saioan The Locos punk-ska talde madrildarra ariko da. Madrilgo punk-ska banda honek Pipi abeslaria, Ska-P talde ospetsuko kide ohia, du buru eta hiru disko grabatu ditu: "Jaula de grillos" (2006), "Energía inagotable" (2008) eta aurten kaleratutako "Tiempos difíciles". Musika indartsua, arina eta jai-girokoa interpretatu dute Espainian, Frantzian, Italian, Kolonbian, Txilen, Mexikon, Argentinan, Suitzan eta Alemanian.
Azken urteotan ohikoa bilakatu denez, aurten ere "gazteentzako kontzertuak" antolatu ditu Getxoko Udalak Ereaga hondartzako aparkalekuan. Arratsaldeko 9etatik aurrera, Clarisse, Ze Esatek! eta The Locos taldeak jardungo dira bertan, pop, rock eta ska doinuak jarriko dituztela. Kontzertua doakoa izango da. Oholtzaren alboan udalerriko jai batzordeek jarritako txosnetan jan-edana izango da. Bertan aterako den etekina jai herrikoietan inbertituko dute. Lehenengo taldea jotzen Getxo eta Bilboko Clarisse banda izango da. Estibaliz Moyanok (abeslaria), Miguel Moyanok (gitarrak), Albaro Alonsok (bateria) eta Javi Martínek (baxua) osatzen dute 2007. urtean abiatu zen laukote hau. Iaz bere lehen lana kaleratu zuten, "Alas cortadas", hain zuzen ere. Horretan 12 kanta bildu zituzten pop erritmoak, mugako rocka eta surf doinuak uztartuta, besteak beste. Argazkian, Ze Esatek! taldeko bi kide Ondarroan egindako kontzertu batean / cc-by-nc-sa Saioa Cabañas - Gauilunak.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun