Beste aldetik, jakin badakigu getxoztar askok ildo horretan pausuak emateko eskatu dutela (olioaren bilketa, konposta egiteko guneak…), baina orain arte iradokizun horiek hitz onak besterik ez dute, eta ez dute hondakinen tratamenduaren inguruko gogoeta sendorik ekarri.
Horretaz gainera, udal zerbitzua den garbiketa eta hondakinen bilketa esku pribatuetan uzten da berriz ere azpikontrata baten bidez.
Azpikontratazioak badakar lan-baldintzen prekarietatea eta zerbitzuaren okertzea, bereziki diru-baldintzak soilik kontuan hartzen direnean edo langileen baldintzen (administraziotik) kontrola ez dagoenean.
Era berean, beharrezkoa ikusten dugu garbiketaren eta hondakinen birziklatzearen aldeko kontzientziazio-lana.
Hori dela eta, kale-garbiketa eta hondakin solidoen bilketari dagokionez, ekarpen batzuk proposatzen ditugu:
a) Etxeko olioaren jasotzeko sistema abian jartzea.
b) Hondakin organikoen bilketa eta konpost-sistema publikoaren hedatzea, udalerri osoan ez bada, puntu zehatz batzuetan.
c) Herritarron adierazpen-askatasuna bermatzeko helburuz, kartelak, pintadak, pankartak eta bestelakoak jartzeko gune zabalak zehaztea.
d) Kontzientziazio-kanpainak bultzatzea
e) Gune naturalen garbiketa eta zainketa (Bolue, errekak…).
Horretaz gainera, azpikontratekin amaitzea eta udal langileen bidez garbiketa-lanak egitea, baita horien lan-baldintzen zaintza ere -prekarietate eta bazterkeriaren aurka- proposatzen ditugu; baita toki zehatz batzuetan zarama-ontzien lurperatzea ere, beti ere auzotarron nahiak eta beharrak entzunda.
Hori dela eta, beti bezala zuen iradokizunak helarazi ahal dizkiguzue bildugetxo[abildua]gmail.com edo bildu[abildua]getxo.net helbideetara.
Getxo garbi, jasangarri eta bizigarri baten alde…
Getxoko Bildu
Getxoko Bildu: "Zero zabor, helmugan; hondakin guztien birziklatzearen aldeko apustu sendoa"
Getxo udalerriko garbiketa, udal hondakin solidoen batuketa eta garraioaren eta antzeko zerbitzuen kontrataziorako baldintza tekniko partikularrei buruzko agiria onartu beharko du hurrengo hileotan. Bildutik Ez dugu uste Udalak birziklatze eta ingurunea babestearen aldeko benetako zarama-politika eraman duenik , bereziki gure udalerrian ematen diren birziklapen kopuruak ikusita (ez da heltzen hondakin solidoen laurden batera, Europar Komisioak aholkatzen duen %70tik oso urrun), nahiz eta azken urteotan aurrerapausoak eman direla aitortu behar dugun. Bildutik uste dugu zarama-biltzeko sistemaren inguruko hausnarketa sakona behar dela. Jakina denez, udalerri askotan atez ateko bilketa abian jarri dugu arrakasta handia lortuta. Atez ateko bilketa, zero zabor izeneko sistemaren parte bat baino ez da, eta helburua hondakinen murrizketa eta horren berrerabiltze handiena lortzea da. Bide horretan, tarteko urratsak eman daitezkeelakoan gaude. Argazkian, garbiketa lanak Gobela ibaian / © Getxoko Udala.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun