"Gure ustez helburu nagusi baten baitan eman beharko litzakete, hain zuzen, Berritze eta Errehabilitazio Integrala ahalbidetuko duen Plan bat zehaztea. Plan honek auzoak dituen arazo fisiko zein sozialak konpondu beharko lituzke", azaldu dute independentistek. Aipatu dutenez, iritzi hori auzokideei plazaratu zieten eta Udalean horren alde lan egiteko konpromisoa hartu zuten. "Hala ere argi dugu, Leioako toki ikusgarrietan edo Pinosolo bezalako proiektu erraldoietan inbertitzea nahiago duen Udal hau mugiarazteko, behar beharrezkoa dela herritar eta auzokideen mobilizazioa eta antolakuntza", ohartarazi dutenez. Auzokideak aurreko udalbatzara joan izana "aurrerapauso garrantzitsutzat" jotzen dute.
Langile auzoa
Bilduk gogoratu duenez, San Juan auzoa Leioa erdialdeko lehen auzotariko bat da, 50eko hamarkadako boom urbanistikoaren baitan eraiki zena. Garai hartako industrietara lanera joan ziren langileentzat udalerrian kokaturiko etxebizitzak ziren. San Juan auzoa Leioan behin izandako herri industrial horren ondare historikoa da.
San Juan auzoaren errehabilitazio integrala "beharrezkotzat" jotzen du Leioako Bilduk
Apirilaren 26ko udal batzarrean komunikatu bat irakurri zuten Leioako San Juan auzoko bizilagunek. Bizi dituzten "hirigintza arazoak eta problematika sozialak" azaldu zituzten eta erakunde desberdinetatik pariatzen duten "utzikeria" salatu zuten, Udala barne. Beraiekin kontaktuak jarri ostean, San Juanen bertan asteazkenean auzo elkarteko bi kiderekin batu ziren Leioako Bilduko ordezkariak: "auzoa erakutsi ziguten eta dituzten hezetasun eta arazo arkitektonikoak erakutsi zizkiguten. Bestalde, auzokide gehienak gaitasun ekonomiko gutxi duten adin nagusiko pertsonak direla eta auzoan ematen den langabezi tasa handia dela, Leioakoa baino askoz handiagoa, azaldu ziguten", adierazi dute koalizio ezkertiarrekoek. Udala eta beste erakundeen "urteetako utzikeria" instituzionalaren aurrean, auzoaren inguruko azterketa eta erreflexio prozesu bat martxan jartzea "ezinbestekoa" ikusten du Bilduk. Beraien ustez, "prozesu honek San Juan auzoaren erreabilitazio integrala bultzatu beharko luke". Argazkian, Elixabete Moral eta Arkaitz Fullaondo Leioako Bilduko zinegotziak prentsaurreko batean.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun