Poloei dagokienez, jantzi ofizialak dira, eta hizki batzuk bordatu dizkiote, jantzi esklusiboak egiteko. “Bucarest" izena eta "2012-05-09" data. Kamiseta ofizialei dagokienez, Errege Kopako finalerako bereziak direnak, gorabeheraz betea daudela, agortu egin baitira. Halere, Udalak agindu ditu beste bi berri, maiatzaren 25a aurretik iritsiko direnak. Biek eramango dute serigrafiatuta "Getxo Athleticegaz" leloa eta "2012-05-25" data.
Zozketak
Baldintzak baldintza, bi poloen eta bi elastikoen zozketan parte hartu ahalko dute Getxo udalerrian maiatzaren 9a baino lehen erroldatutako pertsona guztiek. Baldintzak eta izena emateko eskabide orriak getxoztarren eskura izango dira udalaren webgunean, www.getxo.net, zein HAB-Herritarren Arretarako Bulegoetan. Eskabide orri txikiak beteta –izen-abizenak, DNIa, helbidea, telefono zenbakia eta posta-elektronikoa–, Algortako Telletxe (makillaje tailerraren ondoan) eta Santa Eugeniako plazetan ipinitako kutxetan utzi beharko dira, maiatzaren 9 eta 25eko arratsaldetan. Hilaren 9an, kutxak 20:45ean zarratuko dira eta hilaren 25ean, 22:00etan (partidak hasten diren orduetan). Ondoren, saria lortzeko izena eman dutenak udalerrian erroldatuta daudela egiaztatuko du Udalak eta berriro kutxetan sartuko ditu izenak, Algortako kultur etxean, Villamonten, hilaren 29an jendaurrean egingo den zozketan ateratzeko. Gutxi barru horren gaineko informazio gehiago emango da.
Europako Ligako finala ikusteko pantaila bana jarriko dute Algortan eta Itzubaltzetan
“Getxo Athleticegaz” leloa daraman ekimenaren barruan, Udalak hainbat jarduera antolatuko ditu Algorta eta Itzubaltzeta / Romon, getxoztarrek Athletic anima dezaten taldeak jokatuko dituen bi finaletan. Horrenbestez, maiatzaren 25eko Espainiako Errege Kopako finalerako ez ezik, asteazken honetan ere 6 x 4,5 metroko pantaila erraldoi bana jarriko dute Telletxe eta San Eugenia plazetan. Etzi jokatuko dute bilbotarrek Europako Ligako finala, 20:45etik aurrera, Atletico Madrilen kontra. Horretaz gain, tailerrak (aurpegia margotzeko, txapa zurigorriak egiteko...) izango dituzte txikiek, 18:30etik aurrera hilaren 9an eta 19:00etatik aurrera hilaren 25ean. Halaber, bi fanfarrek girotuko dituzte Algorta eta Itzubaltzeta, partidak hasi baino ordu batzuk lehenago. Bestalde, Udalak bi polo zozketatuko ditu Europako Ligako finalerako eta bi elastiko Errege Kopa egunerako, guztiak Athleticen jantzi ofizialak. Azkenik, bi mila kapela zurigorri banatuko dira bakarrik maiatzaren 25ean. Elastiko zein kapeletan, besteak beste, finalaren data eta “Getxo Athleticegaz” leloa ipiniko dituzte. Argazkia: © Getxoko Udala.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun