Gaur geroago eta jende gehiagok horixe eskatzen du: iragan igandean, Frantziak Hollande aukeratu zuen, orain arteko bideari aski da esanez.
Europak bide berria hartuko du, guk hemen Euskadin defenditu dugun bidea.
Bi mila eta bederatzian, Alderdi Popularrarekin hiru zutabe zituen paktua sinatu genuen:
ETAren kontra askatasuna defendatzeko.
Gure autogobernua defendatu eta indartzeko.
Zerbitzu publikoak hobetzeko.
Nik beti defenditu dut akordio hori, eta gaur inoiz baino beharrezkoago jotzen ditut hor jarritako helburuak.
Guztiok dakizue atzo Alderdi Popularrak nire gobernua babesteko ituna apurtu duela. Zoritxarrez Alderdi Popularrak alde batera utzi ditu gurekin adostutako helburuak, Rajoyren murrizketei babesa emateko.
Nahiago izan du bere alderdiko politika Madrilen defenditu, hemen Euskadiko hiritarren interesak eta guztion autogobernuaren alde egin baino.
Guk egin genuen akordioan ez zegoen jarrita Euskadiko autogobernuak erasoa hartzen zuenean alde batera begiratu behar genuenik.
Ez zegoen idatzita euskaldunen zerbitzu publikoak murrizten zirenean ezer egin gabe geratu behar genuenik.
Horregatik, nik gure proiektua defendatzen jarraituko dut, orain inoiz baino indar handiagorekin. Ez dut alde batera utziko nik Euskadiko gizarterekin hartu nituen konpromisoak.
Gaur hiru urte betetzen dira gobernura etorri ginenetik. Hiru urte luze eta oparoak izan dira. Helburu garrantzitsuena lortu dugu: guztiok genuen ametsik handiena egia bihurtu da: ETAk bere ekintza terroristak amaitu ditu, eta gaur Euskadin askatasuna zabalagoa da. Europa osoan politika neoliberalak, nahi ala ez, jarri direnean, hemen Euskadin krisiari aurre egiteko beste modu bat gauzatu dugu. Pertsonak begiratzen dituena. Enpresak eta ekonomia zaintzen eta laguntzen dituena. Zerbitzu publikoak indartu eta mantentzen dituena. Sarri, ia bakarrean, esan dut murrizketa-murrizketaren gainetik ez datorrela irtenbidea. Europa osoan behar zela bide berria hartu, ekonomia lagundu eta lanpostuak sortzeko. Argazkian, Patxi Lopez lehendakaria gaur egindako agerraldian / cc-by Irekia.net - Eusko Jaurlaritza.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun