Getxoko Udalak gauean ostalaritzako establezimenduen ixte ordutegia bi ordutan luzatzea baimendu du, Athleticek Europako Ligako finala jokatuko duelako. "Helburua krisiaren eraginez zailtasun handiak jasaten ari den alorraren jarduerari laguntzea da", azaldu dute tokiko iturriek. Horrela, lehenengo taldeko lokalak (joko-aretoak, izotz-dendak, bokata-dendak..) goizaldeko ordu bata arte egon ahal izango dira zabalik; bigarren taldekoak (dastalekuak, tabernak, barrarik gabeko jatetxeak, txokoak, kafetegiak..) goizeko 3ak arte eta hirugarren taldekoak (taberna bereziak, pubak, klubak…) 4:30ak arte. Bestalde, Metro Bilbao garraio enpresak ere ordutegia luzatu du: trenak 23:00etan gelditu beharrean, goizaldeko ordu biak arte ibiliko dira. Argazkian, Josu Loroño zinegotzia eta Imanol Landa Getxoko alkatea Athleticen kamiseta jantzita orain hiru urte / © Getxoko Udala.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun