Zaharberrituko den gunearen azalera, guztira, 52 metro koadrokoa da, eta bertan emakumezkoentzat 6 bainugela eta gizonezkoentzat beste 4 egokitu dira, eta horiez gainera, 3 pixatoki dira ere. 10 bainugela horietatik bi elbarrituek erabiltzeko dira.
Komunak zaharberritzeko lanek 100.000 euroko inbertsioa izan dute, eta haien barruan egin dira ere eraikineko saneamendu sarea hobetzeko beharrak.
Iragarritakoa baino aste batzuk lehenago, Terraza udal tabernako komun eta bainugela publikoak zabaldu dira gaur, ostirala, Ereagako hondartzan, horiek zaharberritu eta hobetzeko lanak amaituta. Lan horiek, udal iturrien arabera, "Ereagako alde osoa suspertzeko eta ekonomikoki dinamizatzeko testuinguru orokorraren harira egin dira, Udalak horren aldeko apustua egin eta sektore pribatuaren laguntzarekin bultzatzen ari den prozesua baita. Bai auzotar beraientzat bai turistentzat erreferentzia-lekua da". Udal Gobernuaren arabera, "Udal ekipamenduaren hobetzeari esker hondartzari zerbitzu hobeago bat emango zaio, zerbitzu duin, kalitatezkoa eta modernoa, gure udalerriarekin eta turismoaren eta bertako mugimenduaren ikuspuntutik funtsezkoa den esparru horrekin bat datorrena. Eta, horrez gainera, bainugeletan erraz sartzeko arazoa konpondu da". Argazkia: © Getxoko Udala.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun