Modelo zaharrago baten ordez erabiltzeko erosi dute ontzi berria. "Hurricane 733" modeloko Zodiac txalupa erdizurruna da, zazpi metrotik gorako luzera du eta bi motor ditu, bikiak eta ahaltsuak, 130 zaldi-potentziakoak. Osagai nagusien artean, bi flotagailu modular indartuak nabarmentzen dira. Ertzaintzaren arabera, ontzia "ustekabeko edozein egoeratan erraz desmuntatu eta aldatu daitezke. Berezitasun hori lagungarria izango da mantentze lanak errazteko, osagaien bikoiztasuna bezala; kostuak txikiagoak izango dira, matxuraren bat dagoenean ez dutelako ontzi osoa eraman beharko konponketa-instalazioetaraino".
Baina, bilaketa eta erreskate lanetan ez ezik "beste polizia-jarduera batzuetan" ere erabiliko dute txalupa berria. Horretaz gain, Itsas Atala indartzeko planetan aurreikusita dago antzeko beste ontzi bat eskuratzea gutxi barru.
Ekitaldia argazkitan
Ertzaintzaren Itsas Atalak bilaketa eta erreskate lanetarako ontzi pneumatiko berri bat estreinatu zuen atzo goizean Algortako kirol portuan. Ertzaintzak berak jakinarazi duenez, Miguel Buen Herrizaingoko sailburuordea, Herritarren Segurtasunerako eta Ekintzetarako Baliabideen Alorreko agintariak eta Ertzaintzako Itsas Ataleko agenteak egon ziren horren harira egindako ekitaldian. Izan ere, ontzia egin duen enpresak atzo eman zion Ertzaintzari eta Buenek estreinatu zuen. Sailburuordeak azaldu zuenez, "Ertzaintzako Itsas Atalaren baliabide materialak berritzeko prozesuaren barruan eskuratu dugu ontzi berri hau. Prozesu horretan ari gara, atal horrek eta, oro har, Erreskateetarako Unitate osoak ahalmen handiagoa izan dezaten pertsonak bilatu eta erreskatatzeko ekintzetan eta Ertzaintzako gainerako unitateei laguntzeko lanetan". Argazkian, atzo hartutako zodiac berria / © Ertzaintza.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun