Liburuaren azala
Gaur, arratsaldeko 7:30ean, "La sociedad desescolarizada" liburua aurkeztuko dute Eztabaida gune antiautoritarioak Algortako Villamonte plazako A4 zenbakian duen lokalean. Ivan Illich pedagogo, filosofo, apaiz eta saiogile mexikarra zenak 1971n argitaratu zuen liburu hura, eskolak pertsonen garapen autonomoa eragozten duela plazaratu, eskolak transmititzen dituen baloreak gaitzetsi, eta eskolan emandako ezagueren baliagarritasuna zalantzan jartzeko asmoz. Eskola ereduan erreformak proposatzetik urrun, Illichek eredu bera bertan behera uztera deitu zuen. Liburuak orain 40 urte kaleratu arren, gaur egungo jendartean indar bera dauka. Hori dela eta berrargitarapena plazaratu du Brulot argitaletxeak. Gaurko aurkezpenean, edizio berriaren aitzinsolasa idatzi duen Pedro García Olivo idazleak parte hartuko du. Berak ere eredu hezitzaile tradizionalari zein eredu alternatiboei kritika zorrotza egin die "El irresponsable" eta "El educador mercenario" liburuetan. Argazkian, Leioa eta Erandioko campuseko ikasleek selektibitatea salatzeko jarritako pnakarta bat.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun