Bestalde, senideen elkartearen arabera, osasungintzarekin lotutako arazoak ere izaten ari dira Puerto III-ko presoak. Azaldu dutenez, "medikuarekin izan beharko lituzketen kontsultak izateko arazoak dituzte, mediku faltagatik".
Cadizeko Puerto III espetxean aurkitzen diren euskal preso politikoak borrokaldia burutzen ari dira, kartzela horretan isolamenduan dauden Xabier Garcia Gaztelu "Txapote" galdakoztarra eta Ibai Beobide bilbotarra isolamendutik atera eta modulura eraman ditzaten, Etxerat elkarteak jakinarazi duenez. Besteak beste, bertan dira Aitor Cotano algortarra eta Txapoteren bikotekide Irantzu Gallastegi berangoztarra. Ostiralero janariaren bandejari uko egiten diote Puerto III espetxeko euskal preso politikoek. Eta pasa den astean isolamenduan aurkitzen diren bi presoek baraualdia ere burutu zuten astelehen eta ostiralean. "Espetxeko zuzendari berriak Garcia eta Beobide isolamendutik aterako dituztela esan diete presoei, baina, hori noiz gertatuko den ez diete zehaztu", adierazi du Etxeratek. Argazkian, Aitor Cotanoren argazkia auzokide batek helduta.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun