Juan Maria Atutxaren semea "nahierara" kontratatzea egotzi dio EAJren udal gobernuari Lemoizko Bilduk
Publizitate gabeko prozedura negoziatuaren bidez udal arkitekto berria kontratatu dute Lemoizen. Kontratazio mota horretan, tokiko erakundeak hiru arkitektoei, gutxienez, gonbitea egin behar die eta, ondoren, haiek aurkeztutako dokumentazioa eta proposamenak aztertuta, zein den egokiena erabaki behar du. Lemoizko Bilduren "harridurarako", ordea, "aurretik baldintzak betetzen ez dituzten bi arkitektoei eskaini zaie lanpostu hau. Beraz, inongo lehiarik egon barik, hirugarrena, eskatutako baldintzak betetzen zituen bakarra, aukeratu dute"; Iskander Atutxa Eusko Jaurlaritzaren Herrizaingo sailburu zein Eusko Legebiltzarreko presidente ohiaren semea, alegia. Hori dela eta, koalizio ezkertiarrak "bere lagunak kolokatzeko ohitura zaharra eta itsusiarekin jarraitzea" leporatu dio EAJren udal gobernuari. Argazkian, Juan Maria Atutxa Agirre Lehendakaria Batzordearen aurkezpenean 2010eko otsailaren 24an, Bilboko Carlton hotelean / © Sabino Arana Fundazioa.
"Hainbeste arkitekto egonda eta benetako lehiaketa izan zedin, zergatik udalak ez zuen ziurtatu gonbidapena luzatu aurretik, gonbidatu guztiek derrigorrezko baldintzak betetzen zituztela?", galdetu du Lemoizko Bilduk. Koalizioak aitortu egin du hasiera batean prozedurari baietza eman ziola, gero, "prozedura nola gauzatu den ikusita", kontratazioarekin "ados ez" dagoela adierazi du.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun