Euskal Herriko konpainiak sortutako beste hainbat ikuskizun izango dira ikusgai Umore Azokaren lehenengo egunean, tarteko Ane Mirenek eskainiko duen "De viaje" bihurrikatze-saioak; Teatro Salitreren "Amor ciego" lana, bertan aita eta semearen ezusteko topaketa agerian jarriz; "Up!!!" ikuskizunean Xabi Larreak gorpuzten duen pertsonai xelebre, suharra, adarjotzailea eta indarrez beterikoa eta zirkuko hainbat trebezia maisuki eskaintzen dituena; eta azkenik, jostura tailer batera gerturatzen diren pertsonaiek josten dituzten istorio pertsonalak agerian jartzen dituen Pez Limboren "Lana" ikuskizuna.
Estreinaldi gehiago
Azokaren lehenengo egunean eskainiko diren gainontzeko estreinaldiak La Calabaza Danza-Teatro konpainia andaluziarrak eta Marco Carolei italiarrak eskainiko dituzte. Lehenengoek taularatuko duten "La postal" lanean itxura batean zoriontsu bizi den bikote baten ohikeria jartzen du agerian; eta Marco Caroleren "Taxi" ikuskizunak Fiat 500 autoa gidatu eta erraz maitemintzen den taxilaria erdi dandy erdi eroaren nondikoak jartzen ditu agerian. Eguneko egitaraua Laura Kibel, Histoire de famille, Les singuliers associes, Elegants, Doble Mandoble, La Passante, Una de dos, PakiPaya, Ciatures eta La Industrial Teatreraren ekitaldiekin osatuko da.
Leioako Umore Azokak aurtengo edizioari ekingo dio bihar bederatzi estreinaldirekin
Leioako kale eta plazak eszenatoki erraldoia bilakatuko dira ostegunetik igandera bitartean. Umore Azokaren 13. edizioan 47 ikuskizun desberdin eskainiko dituzte 45 antzerki taldek, horien artean 22 estreinaldi izango direla. Orotara, 120 emanaldi hartuko ditu Leioak. Horiek guztiak ahalbidetzeko hainbat trafiko aldaketa iragarri ditu Udalak. Horrenbestez, Umore Azokaren lehenengo egunean 9 ikuskizun izango dira eta horietako hiruk antolatzaileek ekoizpenerako emandako laguntza jaso dute: Malas Compañiasen "Orsai", ATX Teatroren "Gnosia" eta Matrioskaren "Motel Matrioska", hain zuzen. "Orsai" eszenaratzen duten hiru pertsonaiak, oreka galtzear daude askatasuna eta eromenaren artean dagoen lerro mehean. "Gnosia", berriz, boterearen zentzugabekeria, menpean mantso jartzeko joera, eta ezinbesteko iraultzaren gaineko ikuskizun ziklikoa da, non istorioa behin eta berriz errepikatzen den. Eta "Motel Matrioska" obrak, azkenik, bide bazterrean zaharkituta dagoen hotelean kokatzen du istorioa eta ostalariak gerturatzen ez badira ere, kobratzaileak ikasi du bertarako bidea. Argazkian, Malas Compañías taldearen "Orsai" antzezlana / © Umore Azoka.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun