Dokumental horren balio erantsia da euskal publikoari azaltzea mundu mailako pertsona hauek euskal gatazkaz eta honen konponbideaz duten iritzia. Orain arte ez da lan hau euskaraz ikusterik izan, eta "Argia"-k itzuli du Gipuzkoako Foru Aldundiaren babesarekin. Argia.com-ek ia hiru urte daramatza sarean Euskal Herriko eta euskal intereseko dokumentalak zintzilikatzen. "Argia"-ren dokumentalak.com domeinutik zuzenean sar daiteke erabiltzailea eta ostiralero lan berri bat topatuko du. Guztira 74 lan ezberdin daude ikusgai, denak euskaraz edo euskarazko azpidatziekin.
"Beranduegi" albistegian Gorka Espiauri egindako elkarrizketa (cc-by Argia.com)
"Pluja Seca - Euri Lehorra" dokumentala ikusteko sakatu hemen.
Gorka Espiau algortarraren "Euri Lehorra" dokumentala estreinatu du Argia.com-ek
Gorka Espiau Idoiaga gatazken ebazpenetan aritutako algortarrak zuzendutako "Pluja Seca - Euri Lehorra" dokumentala euskaraz estreinatu du gaur Argia.com-ek. Ordu pasatxo duen filma Argia.com-en multimedia kanaleko dokumentalak.com helbidean zintzilikatu dute edonork ikusteko moduan, doan. TV3 telebista kataluniarrak eta Baleukok egindako dokumentala da eta katalanez eta ingelesez iaztik bazegoen ere gaur arte euskaraz ez da inongo hedabideetan emititu. Dokumentalean zehar zenbait bitartekarik Hegoafrika eta Irlanda Iparraldeko bake prozesuetan egindako lana azaltzen da. Nazioarte mailan eta bakegintzan esperientzia eta izen handiko jendea agertzen da, Euskal Herriko eragile politikoekin batera: John Hume, William de Klerk, Alec Reid, Roelf Meyer, Brian Currin, Harold Good, Jonathan Powell, Alex Maskey, Peter Robinson, Pierre Hazan, Denish Haughey, Charles Villavicencio, Brandon Hamber, Mohammed Baba, Aubrey Lekwane, Paula Leyden, Juan Jose Ibarretxe, Rufi Etxeberria, Leopoldo Barreda, Jose Antonio Pastor, Jone Goirizelaia eta Paul Rios. Argazkietan, filmaren zenbait fotograma / © Gorka Espiau - Baleuko - TV3.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun