Uribe Kosta eta Erandioko deialdietako batzuen bideo eta argazkiak:
Algortako ekitaldia irudietan
Erandion egindako mosaikoaren bideoa
Sopelan egindako jardueren bideoa (© Sopela.net)
Larunbatean burututako Goazen Plazara! ekinaldiaren "arrakasta" azpimarratu du lehen balorazioan Herrira mugimenduak. Preso eta iheslarien aldeko eragileak azpimarratu duenez, ekimena "arnasaldia" izan da aurrera begira egin beharreko lanerako: "Oraindik bide luzea izan arren, iritsiko gara bi gobernuak (Espainiakoa eta Frantziakoa) mugitzera". 30.000 lagun inguru irten ziren Euskal Herriko plazetara presoen eskubideen alde, eta elkarretaratzeak ez ezik, askotariko jarduerak ere egin zituzten: mosaikoak, flashmob-ak, lipdub-ak, herri kirolak, herri lasterketak, erakusketak, bazkariak, zozketak… Uribe Kosta eta Erandiori dagokionez, Algortan, manifestazioaren ibilbidean espetxeak eta bertan diren gatibu getxoztarrak kokatuz 17 herrikidek pairatzen duten sakabanaketa irudikatu zuten, ondoren 457 gizon-emakumek lagunduta, guzti horiek eta tokiko bost iheslariak plazara sinbolikoki eramateko. Itzubaltzeta / Romon eta Sopelan, ehun bat lagunek parte hartu zuten toki bakoitzean antolatutako egun osoko jardueretan. Urdulizen, berriz, 15 lagun izan ziren. Bitartean, Erandion, 75 herritarrek egin zuten mosaikoa Irailaren 23a plazan. Eta Leioan, dozenaka lagun batu zen Bulebarrean arratsaldez. Horretaz gain, Plentzian (43 lagun), Gorlizen eta Armintzan ere izan ziren bateratzeak. Argazkian, eskualdean Algortakoa izan zen ekitaldirik jendetsuena / public domain Algortako Herrira.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun