Lantzarteko zelaiaren inguruan auzokideen zein alderdi politikoen iritziak eta proposamenak jasotzeko asmoz, eztabaida-gune edo foroa osatzea eskatu du gaur Dolores Malo de Molina Berangoko PPren bozeramaileak. Zinegotzi popularraren hitzetan, "oraindik orain polemika iturria da bertan babestutako etxebizitzak eraikitzeko proiektua". Azaldu duenez, "eraikitzeko asmoz udal agintariek landaren erabilera aldatzea erabaki zutenetik hor egon da beti polemika". Aipatu aldaketa "modu ezegokian, proiektuaren kontrako planteamenduei muzin eginez, legeak agindutakoa errespetatu gabe eta inolako parte-hartze prozesurik gabe" egin zela kritikatu du gaurkoan Malo de Molinak. Gauzak horrela, hurrengo udal batzarrean, eztabaida-gune edo foroa osatzea eskatuko du mozio bidez Berangoko PPk, baita hori erregulatuko duen arautegia zehaztea ere. Argazkian, Lantzarteko egitasmoaren kontrako kartelak udal batzar batean.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun