Euriagatik iragarritako hamar ikuskizun bertan behera gelditu baziren ere, ordezko guneak erabiltzeak aurreikusitako hainbat agerraldi eszenaratzeko aukera eman zuen, konpainiei baldintza egokiak eskainiz. Bukatu berri den azokak konpainiengan izan dezaken eragin ekonomikoa, bestalde, datozen egunetan nabarituko da sinatuko dituzten kontratuekin. Hala ere, "programatzaileak zein konpainiak ia erabateko poztasuna erakutsi dute", azpimarratu du Lopezek.
Sariak
Bestalde, igandean jakinarazi ziren 2012ko Umore Azoka sariak, Euskal Herriko eta kanpotik etorritako ikuskizun onenei. Sariak, orain arte egin den bezala, datorren urtean, XIV. edizioaren barne, emango zaizkie irabazleei. Horrela, 2012ko Umore Azoka Saria Euskadiko Ikuskizun Onenarentzat, Gaitzerdi Teatroren "Suz" (A fuego) ikuskizunari eman zaio, "antzezlan borobila eta sendoa delako osagarri tekniko zein artistikoei dagokionez". Halaber, 2012ko Umore Azoka Saria Euskaditik kanpoko Ikuskizun Onenari, La Passante konpainia frantsesaren "Rue des Dames" ikuskizunari eman zaio. Gainera, epaimahaiak aipamen berezia eman dio ATX Teatroren "Gnosia" lanari.
Leioako XIII. Umore Azokaren epaimahaia aditu hauek osatu dute: Carmen Blasco Alvaredo, Zaragoza Kulturaleko programazio burua; Jordi Durán i Roldós, FiraTarregako zuzendari artistikoa; Pau Ayet Cubero, Vila-Realeko Festival de Teatre de Carrer-eko zuzendaria; Carlos Gil Zamora, ARTEZ aldizkariaren zuzendaria eta antzerki kritikaria; Eduardo López Velasco, Medina del Campoko Kultur Programatzailea eta Espainiako Red Teatros-eko zuzendaritza batzordeko kidea; Javier Alcorta Ruiz 'Txortas', aktore, gestore eta antzerki pedagogoa, Araiako Umore Antzerki Jaialdiaren zuzendaria eta Andrés Beladiez Rojo, RESADen Eszena zuzendaritzan eta Dramaturgian lizentziatua.
Leioako Umore Azokaren antolatzaileek 13. edizioak aldez aurretik jarritako asmoak bete dituela adierazi dute, eta guztira 36.200 ikusle bildu dute antolatutako saioetan, larunbatean eta igandean euria egin zuen arren. Ana Lopez zuzendariaren esanetan, "normaltasuna izan da nagusi lau egunetan eta larunbatean eta igandean euria egin arren, herriko kirol instalazioak ordezko gune bezala erabiltzeak hainbat ikuskizun bertan eskaintzeko aukera eman digu. Orokorrean, oso ona izan da ikusleak eta programatzaileak eman duten erantzuna". Umore Azokaren lehen bi egunetan, ostegunean eta ostiralean, eguraldia lagun izan zen, egun bakoitzean iragarritako agerraldi guztiak eszenaratu ziren eta, hurrenez hurren, 9.200 eta 15.000 ikusle bildu zen. "Sorpresa ederra izan da horrenbeste ikusle izatea lehen bi egunetan eta, batez ere, hainbeste ikusle gazte ikustea", Lopezek adierazi duenez. Larunbatean, iragarritako 36 ikuskizunetik 27 eskaini ziren eta guztira 10.800 ikusle gerturatu ziren, "hainbat saio kirol instalazioetara eraman genituelako", eta igandean, azkenik, lau emanalditik hiru burutu ziren, guztira 1.200 ikusle bilduz. Argazkian, 2012ko Umore Azoka Saria Euskadiko Ikuskizun Onenarentzat, Gaitzerdi Teatroren "Suz" (A fuego) ikuskizunari eman zaio / © Umore Azoka.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun