Ertzain bat harrapatu du auto batek Avanzadan

Ertzain bat zauritu da gaur ibilgailu batek harrapatuta Avanzadako errepidean (BI-637), horren aurretik izan den istripu baten atestatua egiten ari zenean, Erandion, Eusko Jaurlaritzaren Herrizaingo Sailak zabaldu duenez. Ertzaintzaren hainbat agente 13:00etan ezbehar horren aurretik izan den istripuaren atestatua egiten ari ziren, lehen aipatutako errepidean, Getxoko noranzkoan. Ibilgailu batek kontrola galdu du eta agenteetako bat harrapatu du. Horren ostean, ertzaina Gurutzetako ospitalera eraman dute artatzera. Ez du zauri larririk, Herrizaingo Sailaren arabera. Argazkian, pare bat ertzain trafikoa zaintzen artxiboko irudian / cc-by Irekia.net - Eusko Jaurlaritza.