"Eskulangintza azokan parte hartuko dutenak kontu handiz aukeratu dira eta, hori dela eta, lortu da azoka anitza, aurten azokan parte hartzeko 330 eskabide jaso direlarik", azaldu dute kultur iturri getxoztarrek. Euskal eskulangileez gain, Aragoiko, Asturiaseko, Andaluziako, Kataluniako, Galiziako, Gaztela eta Leongo, Gaztela-Mantxako, Madrilgo eta Valentziako partaideak ere egongo dira. Gainera, Italiatik eta Portugaletik etorritako artisauek parte hartuko dute eta, lehenengo aldiz, Japoniako eta Iraneko profesionalak ere izango dira. Azken horiek ekialdeko eltzegintza eta gamelu hezurrez eginiko eta estilo persiarreko akuarelaz margotutako objektuak eramango dituzte azokara.
Lehiaketak eta zozketa
Ohi bezala, lehiaketak ez dira faltako azokan. Batetik, eskulangileen lana sarituko da eta, bestetik, produktuak aurkezteko duten modua ere sarituko da diseinu eta stand lehiaketetan. Ekimen horietan islatzen da urtez urte produktuen kalitatea eta euren postuen aurkezpena eta apaindura hobetzeko eskulangileek egiten duten ahalegina. Horrekin batera, urtero erosleen artean egiten duten zozketa ere egingo da aurten eta zerbait erosten duten bisitarien artean eskulangintza produktuak zozketatuko dira.
Artisau japoniarrak eta irandarrak ere izango dira aurten Getxoko Eskulangintza Azokan
Asteburu honetan, maiatzaren 25etik 27ra, 29. Eskulangintza Azoka izango da Areetan eta Itzubaltzeta / Romon, Getxoko Kultur Etxeak zabaldu duenez. Aurten 26 espezialitateko 112 eskulangile parte hartuko dute. Xake plazan 96 artisauk erakutsiko dituzte beraien lanak eta, bertan ere, bi eskulangilek zuzenean eginiko erakustaldietan jardungo dute. Gainerako 14ek Ibaiondo kaleko gastronomia gunean kokatuko dituzte postuak. Ohi bezala, aire zabalean izango da azoka eta sarrera, doakoa. 11:00etatik 14:30era eta 17:00etatik 21:00etara egongo da zabalik eta larunbatean 21:30ean itxiko dute. Aurtengo azokan hainbat espezialitate erakutsiko dira: zeramika, bitxiak, ehuna, harriak, metala, larrua eta landare-zuntzaz eginiko lanak, besteak beste. Halaber, ezin dira ahaztu eskulangintzan hain ohikoak ez diren beste arlo batzuk ere, azokan ikusgai egongo dira-eta. Guztira, 26 izango dira ikusi ahal izango diren eskulangintza arloak, gastronomia guneko eskaintza ahaztu gabe. Halaber, erakustaldiak ere egongo dira azokan. Aurten Igor Obeso gipuzkoarra, pultsuan eginiko beira puztean jarduten den euskal artisau bakarra, eta Alex Gonzalez eltzegile bizkaitarra ariko dira jendaurrean. Argazkian, Getxoko Eskulangintza Azoka artxiboko irudian / © Getxoko Kultur Etxea.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun