Enplegu duinaren aldeko eta behin-behinekotasunaren aurkako manifestazioa antolatu du Iraupen Urdulizko langabetuen elkarteak. Aipatu taldeak salatu duenez, "langabezia tasa altua da udalerrian. Hori gutxi balitz bezala, sortzen ari diren lan aukeretan (Urdulizko ospitalea kasu), instituzioek azpikontratatutako enpresak kanpoko beste enpresa batzuk kontratatzen ari dira, kanpoko langileekin. Aldi berean, lan baldintza lotsagarriak, soldata baxuak, gehiegizko aparteko ordu kopurua... emanez; ahalik eta etekin handiena ateratzeko asmoz". Bitartean, udalerriko langabetuak "egoera itogarrian" daudela nabarmendu du Iraupen elkarteak. Gauzak horrela, ekainaren 2an, larunbatarekin, manifestazioa egingo dute, 11:00etan Urdulizko udaletxetik abiatuta. Ildo horretan, erakutsitako babesa eskertu diete Udalari eta tokiko kultur eragileei. Argazkian, herrian lan egitea gura dute tokiko langabetuek / © Urdulizko Udala.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun