Metro Bilbao garraio enpresak ostiraletan ohikoa den gaueko zerbitzua indartuko du, Athletic eta Bartzelonaren arteko Errege Kopako finala dela eta. Gauzak horrela, 23:00etatik eta goizaldeko ordu bietara arteko maiztasunak areagotuko dituzte: 6 minuturo ibiliko dira trenak Bilboko geltokietan zehar; 12 minuturo Santurtzirako tartean, eta Bidezabalerakoan; eta gutxi gora behera ordu erdiro Plentziara arteko zatian. Hala ere, eskualdean geratzen direnek hainbat aukera izango dituzte partidaz gozatzeko. Besteak beste, Getxo udalerrian, pantaila erraldoi bi ipiniko dituzte: bata, Algortako Telletxe plazan; eta bestea, Itzubaltzeta / Romoko Santa Eugenian. Gauza bera egingo dute Plentziako Jai Alai pilotalekuan, Atxiki taberna eta Udalaren eskutik. Leioari dagokionez, Kandelazubietan jarriko dute pantaila erraldoia. Eta Gorlizen, frontoian, txosna eta guzti, 19:00etatik aurrera. Argazkian, Itzubaltzeta / Romon makina bat jarraitzailek zuzenean ikusi zuten partida maiatzaren 9ko Europako Ligako finala, tartean Joseba Arregi Hirigintza zinegotziak.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun