Leioa, Basauri eta Bilboko lagun banari jabetza industrialaren kontrako delitua egotzi die Ertzaintzak, Athletic Club futbol taldearen faltsututako jantziak banatu eta saldu dituztelakoan. Eusko Jaurlaritzaren Herrizaingo Sailak zabaldutakoaren arabera, talde zurigorriak berak aurkeztu zuen salaketa, Leioako saltoki batean aipatu artikuluak saltzen ari zituztelakoan, legezko baimen barik. Gauzak horrela, astelehenean denda arakatzera joan ziren ertzainak eta, Herrizaingo Sailak adierazi duenez, faltsututako ehun kamiseta, bufanda, kapela eta beste hainbat produktu baino gehiago kendu zituzten erakustokietatik. Saltokiaren jabeari jabetza industrialaren kontrako delitua egotzi diote. Halaber, Basauri eta Bilboko handizkako merkataritza bi enpresatako nagusien kontra ere salaketa aurkeztu dute. Saltzaile leioaztarrak aipatu bi lagunen gainean jarri du iruzurraren erantzukizuna. Argazkian, hainbat zaletu zurigorri.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun