![](http://farm4.staticflickr.com/3056/2564382066_139d62f7a4_n.jpg)
Getxoko udaltzainek pertsona bat atxilotu zuten atzo arratsaldean Gobelako metro geltokian, indarkeriaz egindako lapurreta egotzita. Udal iturriek zabaldu dutenez, 14:00ak aldera dei bat jaso zuten koordinazio zentroan, Itzubaltzeta / Romoko Gobelaurre kalean emakume edadetu bati indarrez tira eginda lapurtu ziotela adierazteko eta emakumea jasandako kalteengatik artatzen ari zirela. Deian egilearen deskribapena eman zuten; baita ostutako objektuarena, hau da, urrezko kate batena ere. Patruila auto batzuk aipatuta gunean bertaratu ziren eta, apur bat geroago, susmagarria aurkitu zuten Gobelako geltokiko nasan. Prebentzio arakatzea egin eta lapurtutako katea aurkitu omen zioten. Hori dela eta, poliziaren egoitzara eraman zuten eta han behar dilijentziak beteko dituzte. Horiek amaitutakoan, epailearen esku utziko dute. Jasandako kalteengatik biktima, 83 urteko emakumea, erietxe batean sendatu behar izan zuten, baina ez zuten bertan utzi behar izan. Argazkian, Getxoko udaltzain bat motor gainean, artxiboko irudian.