Ohi denez, azokak aniztasunaren aldeko apustua egin zuen aurten ere. Horrela, Bizkaitik, Gipuzkoatik, Arabatik eta Nafarroatik etorritako eskulangileez gain, nazioarteko partaideak izan dira, hala nola Aragoi, Asturias, Andaluzia, Herrialde Katalanak, Leon, Galizia, Gaztela, Portugal eta Italia. Halaber, lehenengo aldiz, Japoniako eta Irango profesionalak ere izan dira eta ekialdeko eltzegintza eta gamelu hezurrez eginiko eta estilo persiarreko akuarelaz margotutako objektuak ekarri zituzten azokara.
Gastronomiaren Guneari dagokionez, bisitari ugari izan ditu. Bertan 14 postu egon dira eta bisitariek gozokiak, ogiak, ahatekiak, txokolateak, jatorrizko deitura duten gaztak eta garrapiñatuak erosteko aukera izan dute, besteak beste.
Lehiaketak
Aurten, diseinu eta stand lehiaketetan, saltokien dekorazioa eta produktuen diseinuko berrikuntza saritzen dituzten ekimenak, hain zuzen ere, Lugoko, Irango, Bizkaiko eta Gipuzkoako eskulangileak atera dira irabazle.
Diseinu Lehiaketan, Idoia Cuesta Alonsoren Cesteria Contemporanea Outerio de Rei-ko (Lugo) landare zuntz eta ehun tailerrak irabazi zuen lehenengo saria, feltroz eginiko saskiaz baliatuta. Pieza hori egiteko, tradiziozko teknikak eta ikuspegi berritzailea uztartu zituen. Bigarren saria Reza Baharlouk, Salamancan bizi den eskulangile irandarrak, eskuratu zuen, gamelu hezurrez eginiko eta motibo persiarreko akuarelaz margotutako kutxatila bati esker.
Stand Lehiaketari dagokionez, Leire Fernandez de Rementeria eskulangilearen Lefne ehun tailer bilbotarra atera zen irabazle eta bigarren saria Oreretako Juan Carlos Alvarez Aguado jostailugilearen El taller de los juegos tailerrarentzat izan zen.
Pasa den igandean Getxoko Kultur Etxeak antolatutako 29. Eskulangintza Azoka bukatu zen, "emaitza ezin hobeaz" antolatzaileen esanetan. Guztira, Getxoko Kultur Etxeak zabaldutako kopuruen arabera, 50.000 bat bisitari egon dira bertan, iaz baino 5.000 gehiago eta 2009 eta 2010eko markei eutsiz. Hiru egunez, Areetako Xake plaza jendez beteta egon da, eguraldia bikaina izan dela. Halaber, gastronomia-sailak, Itzubaltzeta / Romoko Ibaiondo kalean kokatua, arrakasta handia izan du. Ostiralean azokak jende ugari ekarri zuen Areetara lehenengo ordutik. Azokan 96 salmenta-postu egon dira eta bisitariek 26 espezialitateko artikuluak ikusteko eta erosteko aukera izan dute. Gastronomiaren Guneak eta artisau lanak zelan egiten diren azaltzeko zuzeneko erakustaldiek osatu dute azokaren eskaintza. Azken horietan Igor Obeso gipuzkoarra, pultsuan eginiko beira puztean jarduten den euskal artisau bakarra, eta Alex Gonzalez eltzegile bizkaitarra aritu ziren jendaurrean. Argazkian, Irudian, Bilboko Lefne ehun tailerreko Leire Fernandez de Rementeria eskulangilea (eskuman) irabazi zuen Stand Lehiaketa / © Getxoko Kultur Etxea.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun