Sistema kapitalistari erantzun praktiko bat izan daitezkeen denbora banku egitasmoei buruzko hitzaldia eskainiko du gaur Algortan Nekane Jurado ekonomista ezagunak. Algortako Gazte Asanbladak antolatutako solasa Eztabaida gune antiautoritarioak Algortako Villamonte plazan duen lokalean burutuko da, 19:30etik aurrera. Jurado Eusko Jaurlaritzako Ekonomia Planifikazioko arduradun izan da 25 urtez. Gaur egun, ostera, sozioekonomia zein literatura liburuak idatzi, mugimendu feministan aritu eta berbaldiak egiten ditu han eta hemen; hark dioen moduan, "titiritero" lanetan, "utopia bat saltzen": ekosoziofeminismoa. Pont de Suertekoa (Lleida) jaiotzez, 9 urte zituela etorri zen Bizkaira. Murgian bizi da eta 53 urte ditu. Bere ustez, "ekonomia komunitatearen zerbitzura egon behar da, merkatuen zerbitzura egon ordez". Argazkian, Nekane Jurado / cc-by Eneko Azkarate - Goiena.net.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
