Getxoko Udalak, udalerriko euskaltegiek eta Egizu Getxo Euskaldun! elkarteak gonbidatuta, euskaltegietako ikasleak, ikasle-ohiak, berbalagunak eta euskaltzaleak oro har hitzordu berezia dute gaur goizean. Izan ere, goizeko 10etan, Areetako Eskoletako plazan udalerriko euskaltegien aldeko argazki kolektiboan parte hartuko dute makina bat lagunek. Argazki hori irailetik aurrera udalaren beraren laguntzarekin izango den euskaltegietako matrikulazio kanpainaren irudia izango da. Bilboko suhiltzaileen egutegiaz arduratu zen Lutxo Rengifo argazkilari erandioztar ezaguna izango da egilea. Bera euskararen estilo desberdinak agerian uzten saiatuko da. Jarduerari amaiera emateko gosaria izango da, parte hartzaileen kantek girotuta. Gainera, argazkian agertzen direnen arteko bi pertsonentzako afaria zozketatuko da eta ezaugarri bereko beste sari bat egongo da “Zergatik ikasi euskara?” galderari erantzuten dion esaldi biribilenari. Argazkian, hainbat euskaltzale Sarea Jostenek Itzubaltzeta / Romon egindako herri bazkarian.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun