Selektibitateari ezezkoa adierazi eta Euskal Curriculuma aldarrikatzeko hainbat ekimen prestatu dituzte egun hauetarako Ikasle Abertzaleek (IA). Besteak beste, bihar, asteazkena, aipatu proba hastearekin batera, esku-orrien banaketa masiboa egingo dute Leioa eta Erandioko campusean. Horretaz gain, “Bienvenidos a la selectividad española” leloarekin dekoratuko dute aipatu eremua. Azkenik, selektibitatea egingo duten ikasleen kezkak batuko dituzte. Ostegunean, berriz, selektibitatearen kontrako parodiak izango dira campusean zehar. IAkoek azaldu dutenez, "beste urte batez ere selektibitate basati eta espainolista egiteko egunak iritsi dira. Berriz ere, espainiar curriculumean oinarritutako 3 egunetako azterketa arrotz baten bidez, ikasleok, batxilergoan zehar barneratutako edukiak baloratzeko azterketa itogarria dugu hau". Argazkian, komunitate unibertsitarioaren "hipokresia eta merkantilizazioa" salatzeko hainbat ekintza burutu zituen ikasle mugimenduak, Leioa eta Erandioko campusean, 2011ko ekainaren 8ko selektibitate egunean / © Selektibitate Leioa 2011.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun