Imanol Landaren ustez, "garrantzitsua da Getxorentzat bi talde izatea 3. mailan, bere kirol indartsuenean, futbolean alegia, udalerriak duen indarraren adierazpen garbia baita”. Landak, aitortza mezua eta bere zorionak helarazi nahi izan dizkie aldez aurretik urte hauetan guztietan igoeraren helburua betetzeko lan egin duten guztiei. "Une zoriontsu honekin gozatu behar dugu. Aurreko zuzendaritzen, aurtengokoen, hitz batean, sei urte geroago Getxo 3. mailara bueltatzeko lagundu eta taldeko lana egin dutenen garaipena da", adierazi du alkateak.
Karabanaren ibilbidea
- 18:00etan, Fadura.
- 18:10ean, Salsidu.
- 18:15ean, Bidezabal.
- 18:25ean, Portu Zaharra.
- 18:45ean, Avanzadako errepidea hartuta, Leioako errotondara heldu eta Algortako etorbidetik Getxoko udaletxera heldu.
- 20:00etan, irteera udaletxetik.
- 20:15ean, Bidezabal.
- 20:20an, Getxoko Benta.
- 20:30ean, Aingeruaren etorbidea.
- 20:40ean, Sarrikobaso.
- 20:45ean, Algortako batzokia.
- 21:00etan, Getxoko Andra Mari eliza.
- 21:10ean, Sarrikobaso.
- 21:15ean, Algortako batzokia.
- 20:20an, Algortako Telletxe kaleko parking-a.
Erregional mailan sei urte igaro eta gero, liga txapelketako azken partidan txapela eskuratuz Espainiako Ligaren Hirugarren Mailara bueltatzea lortu zuen pasa den larunbatean Getxo futbol taldeak. Garaipena ospatzeko, Getxo Senior eta Getxo Gaztea A taldeetako jokalariak eta zuzendaritzako kideak udalerria zeharkatzen dabiltza kamioi baten gainetik. Jarraitzaileei karabanan laguntzeko deia egin diete klubetik. Gauzak horrela, segizioa 18:00etan irten da Faduratik. Ordu bat beranduago, harrera ofiziala egingo diete Udalbatza aretoan Imanol Landa alkateak, Alvaro Gonzalez Kiroletako zinegotziak eta Udaleko gainontzeko zinegotzien ordezkaritza batek. Karabanak, berriz, aurrera jarraitu eta 21:20ak aldera Algortako Telletxe kaleko parking-ean amaituko da. Bertan, jokalariekin argazkiak ateratzeko aukera izango dute zaleek. Argazkia: © Getxoko Udala.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun