Bertsolariak
• Beñat Vidal Gurrutxaga (1986), Leioa, AEKko mintzapraktika zerbitzua. Algortako Bertso Eskolako kidea eta irakaslea da.
• Inazio Vidal Gurrutxaga (1993), Leioa, Algortako Bertsolari Eskolako kidea da eta lehenengoz parte hartuko dau Uribe Kostako txapelketan.
• Peru Vidal Gurrutxaga (1988), Leioa, ikaslea. Algortako Bertso Eskolako kidea eta bertso irakaslea.
• Malen Amenabar Larrañaga (1994), Larrabetzu, ikaslea. Arantza Plazagaz hasi zan bertsotan Larrabetzuko eskolan eta gaur egun herriko Itallen bertso-eskolako kidea da. Lehenengoz parte hartuko dau Uribe Butroeko txapelketan, baina orain urte bi gonbidatu moduan abestu eban kanporaketetan.
• Jone Larrinaga Dañobeitia (1993), Mungia, ikaslea. Mungiako Taket bertso-eskolako kidea da eta lehenengoz abestuko dau Uribe Butroeko txapelketan.
• Asier Legarreta Legarreta (1973), Meñaka, irakaslea. 1996an parte hartu eban lehenengoz Bizkaiko Txapelketan (Araba-Bizkaia garai haretan). Taket bertso-eskolako arduradunetako bat ere badogu eta bertsolaritzagaz lotutako hainbat liburu argitaratu dauz. Besteak beste “Joxe Miel Iztueta ‘Lazkao Txiki’rekin azken afaria”, “Kanta ala erreza III”, “Juan Ormaetxe Taket” eta “Eustakio ‘Eulea’ ilbindu traspunte”.
Beñat, Peru eta Inaxio Vidal Gurrutxaga anaiak Uribe Butroeko Bertsolari Txapelketan arituko dira arratsaldean norgehiagoka. Sondikako kultur etxeak hartuko du jendaurreko lehia fratrizida 17:30etik aurrera. Halere, ez dira hiru leioztarrak taula gainean egongo diren bertsolari bakarrak. Haiekin batera, Malen Amenabar Larrañaga larrabetzuarra, Jone Larrinaga Dañobeitia mungiarra eta Asier Legarreta Legarreta meñakarra arituko dira, Txorierri, Mungialdea eta Leioako txapelaren bila. Vidaldar nagusiak dira aurretik faboritoak, Beñatek eta Peruk irabazi baitituzte Larrabetzu eta Fikako kanporaketak, hurrenez hurren. Halere, fidatu gabe igoko dira oholtzara, anaiari, Malen eta Jone neska gazteei zein Bizkaiko txapelketan azkena bukatu arren eskarmentu handia duen Asierri begia kendu gabe. Argazkian, Beñat eta Peru Leioan egindako bertso afari batean.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun