Getxoko Eusko Alkartasunak antolatuta, "Pacificacion y posicionamiento politico" hitzaldia eskainiko dute bihar Paul Rios Lokarriko koordinatzaile algortarrak eta Idoia Cuadra EAko legebiltzarkide ohiak. Ekimena Algortako Aldai patronatuan egingo da, arratsaldeko 7etatik aurrera. Paul Riosek adierazi duenez, "gustukoak ditut" horrelako hitzaldiak, "nire ideiak eta proposamenak adierazi eta, aldi berean,bake prozesuarekiko jendartearen kezkak, interesak eta esperantzak zeintzuk diren jakitea bermatzen didatelako". Izan ere, Algortako hitzaldiaz gain, hainbat ekitaldi ditu egunotan Lokarriko koordinatzaile algortarrak. Esate baterako, gaur bertan, Dosnostiako Koldo Mitxelena zentroan izango da, 19:00etan, Argituz taldeko Sabino Ormazabalekin. Algortako mahai-ingurua zapore onez bukatzeko edo, horren ostean, txakolina eta pintxoak agindu dituzte antolatzaileek. Argazkian, Paul Rios / cc-by-nc-nd Mikel Agirregabiria.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun