Deabru Beltzak taldearen ikuskizunaren sinopsia:
Aker, akelarreko deabrua, hor dabil kaleetan zehar bere perkusionisten lagun taldearekin gure herri eta hirietan zehar ibiltzeko prest. Zuzeneko musika, piroteknia eta izugarrizko efektu espezialez osatutako ikuskizuna. Esku bat danborrean eta bestea “zirian”. Honela sortu da Deabru Beltzak taldearen proposamen berria.
San Juan gaua, urteko gaurik laburrena, Sorgin Gaua, udako solztizioaren jaia... Hamaika izen jarri ohi zaio ekainaren 23ko ospakizunari. Baina gau honen protagonistak izen bakarra du: sua! Sopelan, San Juan sua pizteaz gain, beste hainbat jarduera ere izango dira. 20:00etan, esaterako, Katu Butu taldea kalez-kale ibiliko da bazterrak girotzen eta alaitzen. Horren ostean, txikien eta ez hain txikien gozamenerako, txokolatada erraldoia egingo dute Urko kiroldegian, 21:00ak aldera. Azkenik, Deabru Beltzak talde ezagunaren kale-animazioa eta "Les tambours de feu" emanaldi ikusgarria egongo dira. Eguna biribiltzeko, tradizioari jarraituz, San Juan sua piztuko dute Urkon, eta piztiak, ziraunak, zapoak eta urteko gaitz guztiak erretzeko aukera egongo da. San Juan, zelan etorri... ala joan! Argazkia: © Deabru Beltzak.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun