Askapenak bere elkartasun beroena adierazi nahi lieke prentsa ohar honen bidez, duela 20 egun hauetan borrokan dirauten meatzari eta eurei babesa eskaintzen ari diren guztiei. Kinka larrian dago sektorea, izan ere, espainiar Gobernuak, bankuei eta krisiaren arduradunei milaka miloi ematen dirauen bitartean, mehatzari asturiar, leondar eta palentziarrek euren etorkizuna oso ilun ikusten dute, besteak beste bizkar eman dielako Raxoiren Gobernu txotxongiloak. Beste behin ere argi eta garbi utziz, gobernuek kapitalaren interesak baino ez dituztela asetu nahi, herritarren borondatea aintzat hartu gabe. Horregatik ari dira borrokan, euren eta euren sendien etorkizunaren alde, bailarako bizilagunen alde eta langileen eskubideen alde. Horregatik, eta beti jakin izan duten bezala ari dira kaleak moztu eta duintasunaren alde borrokan, herri langilearen interesak, herri langileak defendatu eta borrokatu behar dituelako. Gora meatzarien borroka! Hamaika herri, borroka bakarra! Argazkian, hainbat meatzari barrikadaren atzean / cc-by-nc-sa Insociableblog.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun