Algortako Gazte Asanbladak antolatuta, udako jarduerak iragarri ditu dagoeneko Getxoko Txorimalo gaztetxeak. Bihar, larunbata, euskal kulturan tradizio eta garrantzi handia duen udako solstizioa edo egunik luzeena ospatuko dute arratsalde eta gau aldera Txorimalo gaztetxean bertan, santurik zein santujalerik gabe. 19:00etatik aurrera, "sua, sardina jana, txokolate jana eta giro bikaina" izango dela agindu dute antolatzaileek, dena debalde, gainera. Bestalde, udako ohiko ekimena ere den Txorimalo gaztetxearen Futbito Txapelketak bere 7. ediziora helduko da datorren astean, asteartea eta osteguna bitartean jokatuko baita Getxoko Andramari ikastetxean. Izen-ematea, baina, aurretik eman beharko da, ohiko lekuetan, igandera arte. Argazkian, Itzubaltzeta / Romon ere ohikoak dira koadrilen arteko futbito txapelketak.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun