Sutea piztu da Erandioko Reim enpresan

Sutea piztu da gaur goizean, 11:00k aldera, Erandioko Reim enpresan eta zorionez ez da langilerik zauritu. Berehala atera dituzte kalera, Eitb.com-ek jakitera eman duenez. Ertzaintza, udaltzainak, anbulantzia bat eta suhiltzaileak bertaratu dira, eta azken horiek 11:25 inguruan sartu dira fabrikan sua itzaltzera. Sutea kontrolatzea lortu duten arren, lanean jarraitzen dute erabat itzaltzeko. Lehen ikerketen arabera, badirudi ustekabeko istripua dela. Kalean zeuden langile batzuek jakinarazi dutenez, sutea plastikoak eta disolbatzaileak dauden leku batean piztu da. Gainera, aipatutako iturrien arabera, bart lapurrak sartu dira fabrikan eta zuloa egin dute pareta batean. Argazkian, suhiltzaileak Itzubaltzeta / Romon izandako sute baten artxiboko irudian.