Poliziak uste du astelehena eta osteguna bitartean gertatu zela hilketa. Hainbat egunez leihoak irekita eta telebista piztuta ikusirik joan zen bizilaguna bikotearen etxera. Emakumearen gorpua logelan aurkitu zuten, eta gizonarena, egongelan.
Horrez gain, Poliziak emakumearen maleta batzuk aurkitu zituen garajean. Poliziak esku artean darabiltzan hipotesien artean dago emakumeak etxea nahi izan zuelako hil zuela gizonak. Bizilagunen arabera, ohikoak ziren bien arteko liskarrak.
Aurreko astean genero indarkeri kasu batean 85 urteko gizonezko batek bere bikotekidea hil zuen Senperen (Lapurdi), Urguri auzoan, Berria.info agerkari digitalak zabaldu dudenez. Eskopeta batekin burutu zuen erasoa, sabelean tiro eginda, astebukaeran jakin denez, eta ondoren bere buruaz beste egin zuen. Orain dela hiru hilabete ziren ezkonduak, Bordelen, apirilaren 28an. "Sud Ouest" egunkariak eman zuen atzo albistearen berri. Gizonezkoak 85 urte zituen, eta emazteak, 42. Bizilagun bat bikotearen etxera joan eta gorpuak aurkitu zituen. Ikusteko dago noiz gertatu zen erasoa, bizilagunaren arabera zenbait egun baitzeramatzan bikotekideen berri jakin gabe. Emakumeen Mundu Martxako protokoloari jarraiki gertaera izan eta ondorengo egunetan mobilizazioak deitu ohi dituzte eragile feministek. Beran, adi mobilizazioetara. Argazkian, emakumeenganako erasoen kontrako kontzentrazioa Itzubaltzetan.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun