Open publication - Free publishing
Open publication - Free publishing
Ostegun honetan, uztailak 5, Txipio auzoan lehenengo herri asanblada irekia (20:00etan, Ibaigane jubilatuen etxe ohian) egingo du Plentziako Bilduk. "Ekimen honekin auzoko errealitate ezberdinak ezagutu nahi ditugu, baita auzokideek Udalari helarazi nahi dizkioten kexak, ekarpenak, iradokizunak, iritziak… ere", azaldu dute ezkertiarrek. Bilera horretarako auzoari buruzko aldizkari informatiboa prestatu dute. Horrekin batera, inkestatxo bat ere diseinatu dute. Bestalde, orain gutxi Zubi Zuri pasabidearen arriskuaz ohartarazi du Plentziako Bilduk. Azaldu dutenez, "eguraldi onarekin ohikoak dira jendeak Zubi Zuri pasabidearen parean hartzen dituen bainuak. Hori dela eta, arrazoi ezberdinengatik arriskuak sortzen dira. Edozein istripu edo arazo ekiditeko asmoz, hartu beharreko segurtasun neurriak ahalik eta lasterren abian jar daitezela eskatzen diogu Jose Mª Acebedori, Itsasadar, Portu eta Hondartza eta Turismo zinegotzia dena". Argazkian, gazteak Zubi Zuri pasabidetik salto egiten / cc-by Plentziako Bildu.
Herri batzarrerako aldizkari informatiboa
Herri batzarrerako inkestatxoa
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun