Lanak aztertuko duen gaia emakume batek modu indibidualean, emakume talde batek edo Getxoko emakumeek kolektibo gisa Getxoren historian izan duten paperari buruzko informazioa eskaintzen duen edozein ikerketa izango da.
Beka norbanakoak edo taldeak eska dezakete. Ikuspegia historikoa, hezkuntzakoa, lanekoa, ekonomikoa, antropologokoa…edo diziplina anitzekoa izan daiteke.
Getxoko historian emakumeek egindako ekarpenari buruzko ikerketa beka bigarrenez deitu du Udalak
Emakumeek historia eta bizitza kultural, sozial, ekonomiko edota politikoan egin duten ekarpena berreskuratzea eta ezagutzera ematea da Getxoko Udalak bigarren aldiz antolatu duen emakumeek Getxoko historian egindako ekarpenari buruzko ikerketa bekaren helburua, tokiko iturriek azaldu dutenez. Lanak datorren irailaren 15a baino lehen aurkeztu beharko dituzte interesatuek. Proiektua gehienez 15 foliokoa izan beharko da eta, besteak beste, titularra, edukiak, gaiaren justifikazioa, helburuak eta metodologia agertu beharko dira. Euskaraz zein gazteleraz aurkeztu ahal izango da. Hautatutako proiektua lehiaketaren ondoko hileetan egin beharko da. Ikerketaren behin betiko txostena 2013ko abenduaren 15a baino lehen aurkeztu beharko da. Dotazio ekonomikoa %75ekoa izango da proiektua aurkezten denean eta gainerakoa, %25a, behin betiko txostena ematen denean. Argazkian, Keltse Eiguren Berdintasun zinegotzia.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun