Moses Dee Dee Bridgewater abeslari handiaren alaba da eta bere ama orain dela bi urte jardun zen agertoki berean ariko da Raphaël Lemonnier piano-jotzaile frantziarra burua duen hirukoteak lagunduta. Besteak beste, artista gaztea bere azken diskoaren kantak interpretatuko ditu, "This One Is for Dinah", Dinah Washingon abeslari mitikoaren omenezko lana, hain zuzen ere.
Talde Lehiaketan, berriz, Piotr Pawlak Jazztet seikote austriarra jardungo da. 2009. urtean sortu zen talde gazte hori, Graz hiriko Musika Unibertsitatearen baitan. Taldeak Benny Golson Jazzteten eta Art Blakey Jazz Messengersen omenezko moldaketak zein kanta originalak jotzen ditu.
Azkenik, "Hirugarren Milurtekoa" atalean Basauriko Carlos Velasco gitarra-jotzailearen hirukotea ariko da. 25 urteko jarduera duen artista hori euskal agertokietan oso ezaguna da eta bere lehenengo diskoa kaleratu berri du talde buru gisa: "Muy personal".
Jam Session-ak
Hamalaugarren urtez jarraian jam sessions delakoak egingo dira, Algortako The Piper's Irish Puben, Biotz Alai plazako kontzertuak bukatutakoan. Gauerdira aldera, publikoak jazz onenaz gozatzen jarraitu ahal izango du, giro apartan eta lasaian. Lau gauetan zehar, jazz zaleek saio bikainez gozatzeko aukera izango dute. Horietan Jon Urrutia Band ariko da, eta, horri, egunero artista berriak gehituko zaizkio, batzuk, jaialdiko parte-hartzaileak. Azkenik, Algortako Satistegi kafean Iñaki Ojinaga artistaren lan grafikoen erakusketa egongo da ikusgai.
Abestutako jazza izango da protagonista bihar, uztailak 5, Getxoko Jazzaldian. 21:00etatik aurrera China Moses abeslaria ariko da Algortako Biotz Alai plazan. Etorkizun handiko artista estatubatuarra beste abeslari ospetsu baten alaba da, Dee Dee Bridgewaterrena, hain zuzen ere. Aurretik, 21:00etan Piotr Pawlak Jazztet seikote austriarra jardungo da Talde Lehiaketan, eta "Hirugarren Milurtekoa" atalean (Algortako Geltokia plazan, 19:00etan), Carlos Velasco Trío euskal hirukotea. China Moses (Los Angeles, 1978) indar handiz finkatu da jazz eszenan eta etorkizun handia izatea erakutsi du. Nahiz eta gaztea izan, dagoeneko bost disko grabatu ditu. Erregistro aniztasunari eta publikoarekin komunikatzeko erraztasunari abestutako jazz zaleen gustukoeneko artista bilakatu da. Argazkian, China Moses / © Getxoko Kultur Etxea.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun