Alkateak ongietorria eman die uda familia getxoztarrekin igaroko duten Sahara, Errusia eta Ukrainako umeei
Imanol Landa Getxoko alkateak ongietorria eman die gaur saharar errefuxiatuen kanpamenduetatik, Errusiatik eta Ukrainatik heldu diren 32 umeei. Horiek udako hilabeteak emango dituzte harrerako familia getxoztarrekin. Udaletxeko batzar aretoan ospatutako ekitaldian alkateak guraso guztiei eskerrak eman dizkie "gure gizarteari paregaberik gabeko mezu solidarioa zabaltzera laguntzen duzuelako”. “Haur horiek ondo pasatzeko eta poztasuneko bi hilabete emango dituzte. Udaren sinonimoak ondo pasatzea, hondartza, igerilekua dira. Guretzat garrantzitsua da zuek berton ikustea, Konpromiso horrek ez dauka preziorik”, zehaztu du Landak urteroko ekitaldian. Ekimenaren helburua osasuna zaintzea, ondo pasatzea eta sentsibilizatzea dira. Aurten heldu diren haurren kopurua areagotu da nahiko iazkoaren aldean, 19 izatetik 32 izatera pasa baita, nahiz eta krisi ekonomikoa bizi, estatuan kopurua jaistea eragin duena. Horregatik, udal agintariak uste du “krisiak agian eragin positiboa eduki duela gure udalerrian, egoera zailekiko sentsibilitate handiago baitago. Horixe diot datu objektiboak agerian daudelako“. Argazkia, umeak udaletxeko bilkura aretoan / © Getxoko Udala.
Harrera egoeran uda emango duten 32 umeak hainbat GKEren lanari esker heldu dira. 16 Aljeriako Tindoufeko saharar errefuxiatuen kanpamenduetatik etorri dira, ATFAL Sahararen aldeko Getxoko elkartearen bitartez; bi Errusiatik Bikarterekin; 7 Chernobil Elkartearekin; 5 Chernobilgo Umeak elkartearekin eta bi Ukraina Gaztea taldearekin. Uztailean eta abuztuan umeek harrerako familiekin eta bere lagunekin batera hainbat jardueratan ondo pasatzeko aukera edukiko dute.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun