Getxoko Udalak Getxolan Ekonomi Sustapen eta Enplegu Zerbitzuen bitartez, Eusko Jaurlaritzaren “+ Innova Txekea” programan bitartekari dena, egitasmo berri horren inguruko jardunaldi informatiboa antolatu du, uztailaren 10erako, 12:00etan Algortako Kultur Etxean, Villamonten. Eusko Jaurlaritzako Industria, Berrikuntza, Merkataritza eta Turismo Sailak diseinaturiko eta SPRI taldeak (Eraldaketa Lehiakorrerako Sozietatea) gestionaturiko proiektu hau ETEei zuzenduta dago: industrial, transformatzaile, produktibo, aurrekoei loturiko eta produktu-prozesuaren inguruko zerbitzu tekniko, Informazio eta komunikazio Gizartearen arloko zein handizkariekiko komertziokoei. Helburua enpresen behar zehatzei egokituz berritze ekintzak sustatzea eta exekuzio eta inpaktu arineko lehiakortasuna hobetzea eta zerbitzu horiek SPRI taldeak homologaturiko zerbitzu espezializatuen hornitzaileek ematea da. Izen ematea: Getxolanen, Algortako San Martin Kaleko 17 zenbakian, 94 466 01 40 telefonoan edo getxolan[abildua]getxo.net helbide elektronikoan. Argazkian, Getxolan Enplegu eta Ekonomia Garapeneko Zentroak antolatutako ikastaroen ziurtagiriak banatu zituen 2011ko otsailaren 23an Imanol Landa alkateak, Algortako Fadura kiroldegiko areto nagusian egindako ekitaldian / © Getxoko Udala.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun