6.000 bazkide dituen Itzubaltzeta / Romoko Nagusien Etxea kudeatzen duen elkarteak antolatuko dituen jarduerek honako helburu hauek edukiko dituzte: adimenezkoak, beren gaitasunak garatzeko; jokoak bultzatzeko, elkarteko pertsonak ondo pasatzeko eta harremanetan sartzeko; gizartezkoak beraien artean harremanetan sartzeko; fisikoak, haien mugikortasuna eta egoera fisiko ona sustatzeko eta kulturazkoak, adinekoak gizartetik ez isolatzeko. Elkarteak antolatzen dituen jardueren artean daude informatikako ikastaroak, mantentze gimnasia, pintura eta esku lanen tailerrak, abesbatza, txapelketak, txango kulturalak, ibilaldiak, dantzak eta ospakizunak.
Bestalde, 200 bazkide dituen “Urte alaiak” elkarteak liburutegia mantenduko du interesgarri diren gaiekin; mintegiak, hitzaldiak, irteerak antolatuko ditu; teknika psikologiko, erlaxazioa eta emozioen kontrola mesedetzeko teknika osasuntsuak antolatuko ditu eta beste talde batzuekin elkarretaratzeak ere.
Getxoko Udalak Ibar Nagusien Etxea elkarteari 42.500 euroko diru-laguntza eta Urte Alaiak elkarteari 5.000 euroko diru-laguntza ematea onartu du, Itzubaltzeta / Romon eta Getxon, hurrenez hurren, hirugarren adinekoentzako egoitzak gestionatzeko egiten duten lanagatik. Gainera, Udalak bi elkarteekin lankidetza hitzarmen bana adostu du, antolatu beharreko jarduerak eta horietarako udal egoitzen erabilera lagatzea aratuko dituena (lehenarentzat Lope de Vega kalean eta bigarrenarentzat Orduña mendikatea kalean). Diru-laguntzen helburua adineko pertsonei laguntzeko programak sustatzea da “gure pertsona nagusien buru-ongizatea, fisikoa, eta sozialaren aldeko aukerak beren bizitza osoan optimizatzen saiatzen garelako, bizi kalitate ona eduki dezaten”, azaldu du Elena Coria Gizarte Zerbitzuen zinegotziak. Ibar Nagusien Etxea elkarteak zein Urte Alaiak elkarteak konpromiso hartzen dute 60 urtetik gorako getxotar guztiei zerbitzua emateko, elkarteetara jotzen badute. Bi hitzarmenak datorren abenduaren 31ra arte egongo dira indarrean. Argazkian, Bizkaiko Foru Aldundiko ordezkari batzuek lagunduta, Amparo Gallo Gutierrez Itzubaltzeta / Romoko auzokidea bisitatu zuten 2012ko otsailaren 20an Imanol Landa Getxoko alkateak eta Elena Coria Gizarte Zerbitzuetako zinegotziak. Egun horretan 100 urte bete zituen aipatu emakumeak / © Getxoko Udala.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun