Richard Bonak (1967, Minta; Kamerun), bakarkako debuta egin zuenetik, 1999an, musika unibertsala denaren ideia defendatu du: eskuzabala eta eskuragarria. 1995. urtean New Yorkera abiatu zen eta laster nabarmendu zen agertokietan. Garai horretan Pat Metheny, Larry Coryell, Mike Stern, Steve Gadd, Joe Zawinul eta beste hainbat artista handiekin hasi zen elkarlanean jarduten. Egun, garaiko baxu-jotzaile onenetako bat omen da, eta abeslari eta musikagile gisa ere aritzen da. Haren ospea Jazz musika eta World Music baino harago joan da, eta genero eta estilo anitzeko artistekin jo du, esaterako Bobby McFerrinekin, Paul Simonekin, Chick Corearekin, Chakha Khanekin, Salif Keitarekin eta George Bensonekin.
Gainerako saioak
Talde Lehiaketan Swec & Wend Quintet banda poloniarra ariko da, Piotr Swec eta Tomasz Wendt saxo-jotzaileek sortutako taldea, hain zuzen ere. Biek sari ugari irabazi dituzte bere herrian eta boskotean haiek eginiko piezak interpretatzen dituzte, gehienak mainstream jazz modernoko estiloaren barruan, baita beste estilo batzuk baztertu gabe.
"Hirugarren Milurtekoa" atalean beste talde poloniar bat ariko da, High Definition. Anbizio handiko musikari gaztek osatutako laukotea estilo eta genero anitzak jorratzen ditu eta Krokuseko (Polonia) eta Hoeilaarteko (Belgika) jaialdietako talde lehiaketetan atera da garaile.
Bihar, azken aldiz gozatu ahal izango dute zaleek jam session delako saioaz. Ohi bezala, Algortako The Piper's Irish Puben, Biotz Alai plazako kontzertuak bukatutakoan hasiko da kontzertua, Jon Urrutia Bandaren eskutik. Azkenik, Satistegi Kafean, Iñaki Ojinagaren lan grafikoak egongo dira ikusgai, uztailaren 8ra arte.
Getxoko Nazioarteko Jazzaldiaren laugarren eguna izango da bihar, larunbata. Saio nagusian, Algortako Biotz Alai plazan, Mike Stern gitarra-jotzaile estatubatuarrak eta Richard Bona baxu-jotzaile kamerundarrak jazz fusion doinuak joko dituzte 22:00etatik aurrera. Aurretik, 21:00etan, Talde Lehiaketako azken kontzertua hasiko da, Poloniako Szwec & Wendt Quintet boskotearen eskutik. "Hirugarren Milurtekoa" atalean (Algortako Telletxe plaza, 19:00etan) zaleek beste talde poloniar baten musikaz gozatu ahal izango dute, High Definitionenaz, hain zuzen ere. Mike Stern (1953, Boston) bere garaiko jazzeko eta jazz fusioneko konpositore eta gitarrista onenetako bat da. Hogeita hamar urte baino gehiagoko jarduera du eta lan eklektiko eta berritzaile bildu ditu bere diskografian. Bere hasieretan Blood, Sweat & Tears taldean jardun zen eta, baita Billy Cobhamen bandan, eta jarraian Miles Davisen taldera pasatu zen. Jazz eszenaren beste artista handiekin ere aritu da: Jaco Pastorius, Michael Brecker, David Sanborn, Jack DeJohnette, Bill Frisell, John Scofield, Kenny Garrett eta Bela Fleck, besteak beste. Argazkia: © Getxoko Kultur Etxea.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun