Lehenengo arrakastak Michael Breckerren, Peter Erskinen, Mike Manieriren eta Eddie Gómezen Steps Aheads taldean jotzen ailegatu zitzaizkion. Horiekin jarduten debuteko diskoa grabatu zuen 1983. urtean eta, garai horretan ere Randy Brecker tronpeta-jotzailearekin hasi zen elkarlanean aritzen.
Atsedenik gabe, bere talde propioak osatzen hasi zen Elias. Horietan, besteak beste, Jack DeJohnetteren mailako artistekin aritu zen. 1995ean "Solos and Duets" diskoa kaleratu zuen Herbie Hancock handiarekin eta Toots Thielman's Brasil Project taldean hasi zen jotzen, eta baita Gilberto Gil gitarra-jotzailearen bandan, musika zuzendari lanetan.
"Light My Fire" da bere azken lana eta horretan, bere konposizioez gain, estilo anitzeko hainbat egileren lanak biltzen ditu, esaterako Jim Morrison, Stevie Wonder eta Paul Desmond. Getxoko saioan, Elian Elias (pianoa) Marc Johnsonekin (kontrabaxua) eta Rafael Baratarekin (bateria) ariko da.
Hirugarren Milurtekoa
"Hirugarren Milurtekoa" ataleko azken saioan Juan Diego Trakas taldea ariko da. Duela gutxi sortutako banda hau Bartzelonan sortu zen, eta jazz groove jorratzen du. Beren konposizio propioak jotzen dituzte, eta baita beste egile batzuenak ere, esaterako Horace Silverrenak eta Donald Byrdenak. Bere errepertorioan, laukotearen izaera aldarrikatzaile eta konprometitua antzeman daiteke.
Eliane Elias piano-jotzaile eta abeslari brasildarrak itxiko du bihar Getxoko Jazzaldia
Eliane Elias piano-jotzaile, abeslari eta musikagileak amaiera bikaina emango dio bihar, uztailak 8, Getxoko Jazzaldiari. Algortako Biotz Alai plazan ariko da 22:00etatik aurrera artista brasildarra, jazz ortodoxoena, musika klasikoa edota Hego Amerikako doinuen fusioa lantzen dituena. Ordubete lehenago bihar bertan jakinaraziko diren Talde Lehiaketako irabazleak jardungo dira leku berean. 36. Jazzaldiaren azken eguneko egitaraua Juan Diego Trakas laukote kataluniarraren saioaz borobiltzen da "Hirugarren Milurtekoa" atalean (Algortako Telletxe plaza, 19:00etan). Eliane Elias (São Paulo, 1960) hainbatetan izendatu dute Grammy sarietara, eta bere musika estiloagatik da ezaguna; horretan, jatorri brasildarra, ahots sentsuala eta erakargarria, eta konposatzeko eta pianoa jotzeko dituen trebetasunak ezin hobeto konbinatzen ditu. Bere ama musika klasikoko piano-jotzailearen talentu bera erakutsi zuen haurra zela. Nerabezaroan hasi zen lehenengo konposizioak egiten eta esparru profesionalean abiatu zen, jazz klubetan. 1981. lehendabiziko bira egin zuen Europan zehar eta Eddie Gómez baxu-jotzaileak bultzatuta New Yorkera joan zen bizitzera Juilliard School of Music ospetsuan trebakuntza hobetzeko. Argazkia: © Getxoko Kultur Etxea.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun