Piotr Pawlak Jazztet 2009an jaio zen, eta urte bete beranduago Grazeko Musika Unibertsitatean debutatu zuen. 2011n egin zuten lehenengo bira, nazioartean; 12 kontzertu eman zituzten Austrian, Polonian eta Eslovakian. Azkenik, urte bereko ekainean grabatu zuten estreinaldi-albuma: "Wist Werk". Seikoteak Benny Golson Jazztet nahiz Art Blakey-ren Jazz Messengers omentzen dituzten konposizio originalak eta moldaketak nahasten ditu.
Sariak
Talde Lehiaketaren irabazleek 3.000 euro jasoko dituzte eta CD bat grabatuko dute. Gainera, talde irabazlea gaur, uztailak 5, jardungo da berriz Algortako Biotz Alai plazan, 21:00etan, Eliane Elias piano-jotzaile brasildarraren (22:00) aurrean. Halaber, irabazleek Hoeilaart-eko (Belgika), Eivizako, Palmako eta Elorrioko jazzaldietan parte hartuko dute, Getxoko Jazzaldiak horiekin duen lankidetza.-hitzarmena dela medio. Bestalde, bigarren saria lortu duen taldeak 1.200 euro jasoko ditu eta bakarlaririk onenak 600 euro. Publikoaren sariei dagokienez, irabazleek oroitzapenezko garaikurrak jasoko dituzte.
Tobias Meinhart Quintet banda alemaniarrak irabazi du Getxoko Jazzaldiaren talde lehiaketa
Tobias Meinhart Quintet banda alemaniarrak irabazi du Getxoko 36. Nazioarteko Jazzaldiaren Talde Lehiaketa. Bigarren saria Piotr Pawlak Jazztet seikote austriarrarentzat izan da eta Tobias Meinhartek, talde irabazlearen saxo-jotzaile eta liderrak eskuratu du bakarlari onenari ematen zaion saria. Publikoaren sariari dagokionez, ikus-entzuleek Szwec & Wendt Quintet talde poloniarra saritu dute eta Tobias Meinhart saxo-jotzailea hautatu dute bakarlaririk onena. Horrela, musikari alemaniarra bakarlari onenari emandako bi sariak eskuratu ditu. Boskote irabazlea 2008. urteko udaberrian osatu zen. Horren taldekideek jazz garbia eta bizia egiten dute, eta haien musikan maisutasun profesionalak kreatibitate sofistikatuarekin bat egiten du. Liderraren zein pianista gaztearen konposizioak interpretatzen dituzte. Tobias Meinhart artistak Jorge Rossy bateria-jotzailearekin eta Aaron Goldbert hirukotearekin jo izan du, besteak beste, eta Joe Lovano eta Seamus Blake artistekin ikasi du. Gaur egun New Yorken bizi da, eta sarritan jarduten da bertako klubetan. Argazkia: © Getxoko Kultur Etxea.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun