Jose Patricio Lotina Abrisketa, Plentzian jaio zen 1878. urtean. Felix Lotina Bilbao eta Martina Abrisketa Aulestiatorre zituen guraso. Pinillos Izquierdo Itsas-garraio konpainiako "Príncipe de Asturias" baporearen kapitaina zen. 38 urte zituen itsasontzia hondatu eta itota hil zenean. Dionisio Oñate Torrontegi Plentzian jaio zen 1878. urtean. Juan Ignacio Oñate Zalbidea eta Lorenza Torrontegi Goyarrola zituen guraso. Makinetako buru zen, itsasontzia hondartu zenean 38 urte zituen.
Hondamendia
"Principe de Asturias" transatlantikoak amaiera latza izan zuen, 1916ko martxoaren goizaldean. Urte bi inguru zebiltzan itsasoan, gau laino-lainotsu baten tragedia sortu zen goizaldeko hirurak aldera, Brasilgo Santos alderantz, Boi lurmuturraren inguruan San Sebastiao irlaren mendebaldera, kostaldetik 50 milia aldera. 425 hildako eta 143 bizirik atera ziren.
Itsasorratza desbideratu egin zelako edo uretan eroandako abiaduran akatsak izan zirelako, kontua da ez zuten ikusi itsasargiko argiak. Punta Boi igarota abiatu zen, istriborrera jo zuen jakin barik, heriotzara bidean. Itsasontzia kostalderantz hurbiltzean, argitze baten 100 besotara argi bat ikusi zuten, baina ez zen astirik izan ababorrera egiteko eta uharri arriskutsuak saihesteko, istribor aldeko xaflan hainbat metro hondatu zituen.
"Principe de Asturias" ontziaren hondoraketaz arituko dira hilaren 17an Plentzian
Francisco Garcia Novell idazlearen eskutik, uztailaren 17an, asteartea, (arratsaldeko 19:00etan, Goñi Portal Kultur Etxean), "Principe de Asturias" ontziaren “historitzeko aukera egongo da Plentzian, Butroiko Plazentia Museoak antolatuta. Novell "Naufragio. La historia olvidada del vapor Príncipe de Asturias" liburuaren egilea da. Nobela honetan, idazleak aipatutako transatlantikoaren hondoratzeari buruzko ikerketa aurkezte du. "Principe de Asturias" baporea 1916an, zoritxarreko amaiera izan zuen Punta Boi inguruan (Brasil), eta bertan 425 pertsona hil eta 143 bizirik atera ziren. Gertaera honek, Plentzian eta inguruko herrietan oihartzun handia izan zuen, tripulatzaile eta bidaiari asko eskualdekoak ziren eta; besteak beste itsasontziko kapitain Jose Patricio Lotina Abrisketa eta bertako makineriako buru Dionisio Oñate Torrontegi, biak plentziarrak. Argazkian, Principe de Asturias ontzia.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun