ETAren agiria Euskal Herriari
"2011ko urrian irismen sakoneko bi gertakari" izan ostean —Aieteko Adierazpena eta ETAren erabakia—, "hilabeteotako gertakizun nagusien eta prozesuaren egungo egoeraren inguruan" bere iritzia jakinarazteko agiri bat zabaldu du gaur ETA. Naiz.info-ra eta Gara-ra helarazi du eta, besteak beste, Berria.info agerkariak eman du horren berri. Erakundeak dio "elkarrizketa bideak zabaltzeko ahaleginak biderkatzen" ari dela. "Gatazka politikoa" gainditzeko, elkarrizketa eta akordioa aldarrikatu ditu. ETAk adierazi du hilabete hauetan "konponbide prozesua bultzatzeko eta egituratzeko jardunari jarraipena" eman diola, eta urriaren 20an hartutako erabakiari eusteaz gain —jarduera armatua betiko bukatu duela iragarri zuen—, aipatutako elkarrizketa bideak irekitzeko asmoz "nazioarteko eragileekin harremanak sendotzen eta prozesuak eskatzen dituen barne egokipenak gauzatzen" ari dela; "elkarrizketetarako ETAren Ordezkaritza osatuz, besteak beste".
Frantziako eta Espainiako estatuen aldetik "jarrera oztopatzaileek" izan arren —espetxe politika, atxiloketak edota Justiziako "salbuespen egoera" aipatu ditu—, "aurrerantzean ere bide berari eusteko konpromisoa" agertu du erakundeak, "bakea eta askatasuna helburu duen prozesua bururaino eramateko. Aukera historikoa da eta ardura historikoaz jokatu beharra dago".
ETAren agiria Euskal Herriari
ETAren agiria Euskal Herriari
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun