Harritzekoa zaigu Getxo bezalako udalerri batean – hirugarrena inportantzia Bizkaian biztanleriari dagokienez- azpiegitura nahikorik ez eskaintzea getxoztarren interesekoa den informazioa modu garden eta zabalenean helarazi ahal izateko. Guztiok erabili dezakegun prentsa-bulegoa guztion eskura jartzea, udal hedabideak talde politiko eta herri-eragile guztiei irekitzearekin batera (gaur egun gobernu-ekintzen berri baino ez dute ematen), udal informazioaren kudeaketan gardentasuna eta aniztasuna bermatzeko beharreko neurria litzateke.
Bildutik eskatzen duguna bidezkoa dela uste dugu: getxoztar guztiok ordaindutako baliabideak herritarrok ordezkatzen ditugun alderdi guztiok –eta herria ordezkatzen dituzten elkarte edo eragileek- erabili izatea. Honako honetan, prentsa-bulegoa. Ez dugu uste kudeaketa zaila izango denik, eta gure aburuz borondatea baino ez da beharrezkoa.
Getxoko Bildu
bildu.info/getxo
Getxoko Bildu: "Udal prentsa-bulegoa erabiltzeko ukatu digute alderdi politikoei"
kaineko udalbatza amaitu eta gero, eske-galderen atalean, Bildutik eskatu genion alkateari udal prentsa-bulegoa erabiltzeko aukera izatea prentsa-aurreko agerpenak egiteko asmoz. Argudiatu genuen moduan, oposiziozko udal taldeok baditugu herriarentzako proposamenak, ekarpenak edo albisteak Getxoko osoari dagozkionak eta ez soilik Bilduren zale edo boska-emaileei. Izan ere, gure eskaera ez zen Bildu alderdi politikoaren agerpenak egiteko tokia, baizik eta udal taldearen prentsa-aurrekoak egiteko leku duina. Komunikazio-arduradunak lehen, eta alkateak ondoren, udaletxeko sotoetan alderdi politikoek erabiltzen dugun bilera-aretoa erabil dezagun erantzun ziguten, jakin badakite ere horrek ez dituela beharreko gutxieneko baldintzak eskaintzen: hala nola, ez dago wifi aretoan, ezta telefono-konexiorik ere; ezinezkoa da bertan telebistarako grabaziorik (ez dago ez argiztapen nahikorik ezta kalitate minimoko grabazioa egiteko distantzia nahikorik) edo irrati-emanaldirik egin (argazkian ikus daiteke eskainitako aretoa). Argazkian, udal prentsa-bulegoa / cc-by Getxoko Bildu.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun