Bigarrenik, 1989 eta 1996 urte bitartean jaiotako gazteak sartzen dira, eta azkenik, orain arte bezala, %85eko asistentzia bete eta urrats bat gainditu behar du eskatzaileak. Honetaz gain, hurrengo urtean errenta eskasa duten ikasleak lehenetsiko direla diru-laguntza hauek ematerakoan.
Hauek dira diru-laguntza jaso ahal duten kolektiboak eta kopuruak:
- Leioako kirol eta kultur elkarteetako partaideak: %50
- 12 urtetik beherako umeen gurasoak: %50
- Familia unitateko gutxieneko diru-sarreretara heltzen ez direnentzat: %80
- 1989 eta 1996 urte bitartean jaiotakoak: %50
Euskara ikasteko dirulaguntzak jasotzeko baldintza berriak jarri dituzte Leioan
Leioako Udalaren Euskara Zerbitzuak hurrengo ikasturtean euskara ikasteko diru-laguntzen eskari epea finkatu du jada: neguko ikastaroentzako epea datorren urteko ekainaren 17tik uztailaren 5era izango da zabalik, eta udako ikastaroentzako 2013ko irailaren 30etik urriaren 11ra. Beti bezala, eskaera hauek Leioako Udalaren Euskara Zerbitzuan (Jose Ramon Aketxe plaza, 11) egin beharko dira 09.00etatik 13.30era edota 946 072 576 telefono zenbakian. Baina datorren urtean diru-laguntza hauek jasotzeko baldintzak aldatu egin dira. Alde batetik, ezinbesteko izango da Mastitxu Udal Euskaltegian izena emanda izatea eskatzaileak, eta kanpoan egindako ikastaroak bakarrik diruz lagunduko dira, ikasleak Mastitxun izena eman eta euskaltegi honek eskatutako maila edo ordutegia ezin badio eskaini. Argazkian, hainbat ikasle Mastitxun / © Leioako Udala.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun