Udalak hurrengo bizilagunentzat eta kolektiboentzat onartu ditu diru-laguntzak: baliabide ekonomiko nahikorik ez dutenentzat; gazteentzat; familiako kideentzat; udaleko eta bere erakundeetako langileentzat eta zinegotzientzat; elkarteetako begiraleentzat; gida baimena ateratzeko azterketa euskaraz egiten dutenentzat; aisialdiko begirale eta zuzendari agiria lortzeko ikasten dutenentzat; UEU, Udako Euskal Unibertsitateak antolatzen dituen ikastaroetara joaten direnentzat eta merkatarientzat (euskara ikasteaz gain, errotuluak, toldoak eta ibilgailu komertzialak euskaraz ipintzeko eta elkarteen irudia euskaraz jartzeko).
Dirua jasotzeko bete beharreko baldintzen artean eskatzaileek asistentzia egiaztagiriaren bidez gutxienez, ikasturte osoko eskola-ordu guztien %85era joan izana frogatu beharko dute eta auto-ikaskuntzan asistentziaz gain, helburu maila ere gainditu beharko dute.
Urritik aurrera euskara ikasteko diru-laguntzak ez dira %100ekoak izango Getxon
Euskara ikasteko eta euskara sustatzeko helburuarekin, 2012. urtean diru-laguntzetan 113.000 euro banatzea onartu du Getxoko Udalak Euskara Biziberritzeko II.Plan Nagusiaren barruan. Aurrekoetan bezala baliabide ekonomiko nahikorik ez duten pertsonez gain, hainbat kolektibok eta alorreko profesionalek eskatu ahal izango dute laguntza. Aurten aldaketa txiki batzuk izango dira bizi dugun krisi garaira egokitze aldera, tartean, datorren urritik aurrera eskainiko diren diru-laguntzak matrikularen %80ekoa ordaintzeko izango dira eta ez %100ekoak orain arte bezala. “Krisiaren eraginez azken ikasturteotan eskaeren kopurua areagotzen ari da eta horregatik guztiei erantzuna eman ahal izateko bakoitzak jasoko duena apur bat gutxitzea erabaki dugu. Azken finean gure nahiak getxotarrik ez geratzea euskara ikasi gabe baliabide ekonomikoaren faltagatik eta kolektibo zehatz batzuetan indarra egitea dira, besteak beste, transmisioa eta zabaltze publikoa ziurtatzeko”, azaldu du Koldo Iturbe Euskara zinegotziak. Argazkian, Imanol Landa alkatea eta Koldo Iturbe Euskara zinegotzia / © Getxoko Udala.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun